श्री स्वामी समर्थ प्रतिष्ठान तर्फे सामाजिक बांधिलकीच्या भावनेतून समाज प्रबोधनासाठी विविध सांस्कृतिक आणि आध्यात्मिक कार्यक्रम आयोजित केले जातात.
औंध गावाचा स्वामी समर्थ पालखी सोहळा व त्यानिमित आयोजित केलेले विविध कार्यक्रम प्रत्येक स्वामी भक्तांना मनःस्वास्थ देणारे आणि आनंददायी आहेत. ज्या प्रमाणे साधकाच्या जीवनामध्ये नाव विधा भक्तीचे महत्व मोलाचे आहे. त्यातली पहिली पायरी श्रवण भक्तीची आहे. आपण त्याचेच साधक आहोत. आणि त्याच साठी सात दिवसाच्या सोहळ्याचे आयोजन करतो. स्वामी भक्तांना उन्नत होण्यासाठी या कार्यक्रमाचे नियोजन असते.
"जे जे आपणाशी ठावे ते ते दुसऱ्यांशी सांगावे" या संतांच्या वचनाप्रमाणे त्यात वेदपठण, दिंडी, वारकरी कीर्तन, भजन, प्रवचन, नारदीय कीर्तन, कीर्तन जुगलबंदी, भक्ती संगीत, नृत्य, परिसंवाद, अशा विविध कार्यक्रमाचे आयोजन केले जाते.
